ပြည်ပနိုင်ငံများအား အကူအညီပေးမည့် ကန်ဒေါ်လာ ၂ ဘီလျံခန့်ကိုရပ်တန့်ရန် အမေရိကန်သမ္မတ ထရမ့်ကကြိုးစားခဲ့သော်လည်း နိုင်ငံတကာတရားရုံးချုပ်က မတ်လ ၅ ရက်တွင်ပယ်ချလိုက်ကြောင်း သိရသည်။

 

ထရမ့်အစိုးရအဖွဲ့အနေဖြင့် နိုင်ငံတကာကိုငွေကြေးအရကူညီမှုများအတွက် ငွေပေးချေမှုများကို ပေးဆောင်ရန် ထောက်ခံမဲ ၅ မဲ ၊ ကန့်ကွက်မဲ ၄ မဲဖြင့် ငွေကြေးများဆက်လက်ထောက်ပံ့ရန် အတည်ပြုခဲ့ခြင်းဖြစ်သည်။

 

အဆိုပါမဲဆုံးဖြတ်မှုကို ဂျွန်ရောဘတ်(တရားသူကြီးချုပ်)၊ အေမီကိုနေးဘာရတ်(ထရန့် ခန့်အပ်ထားသော တရားသူကြီး) တို့က အဖွဲ့ဝင်၉ ဦးပါသော နိုင်ငံတော်တရားရုံးတွင် လစ်ဘရယ်သမားသုံးဦးတို့ ဆုံးဖြတ်ခဲ့ကြခြင်းဖြစ်သည်။

 

“ပြည်ပအကူအညီငွေတွေကို ရပ်ပစ်ဖို့ သမ္မတဒေါ်နယ်ထရန့်ရဲ့ကြိုးပမ်းမှုဟာ သမ္မတလုပ်ပိုင်ခွင့်အာဏာကို အဆင်ခြင်မဲ့ ရက်စက်တဲ့ မကြုံစဖူး အလွဲသုံးစားလုပ်မှုဖြစ်ပါတယ်” ဟု အမှုဆောင်ဒါရိုက်တာ အန်သိုနီရိုမီယိုက ပြောသည်။

 

ထရမ့်အစိုးရတက်လာပြီးနောက် USAID သည် ဝန်ထမ်းအများဆုံး ထုတ်ပယ်ခံရသော အေဂျင်စီဖြစ်လာကာ USAID သည် ကမ္ဘာတစ်ဝန်း ကျန်းမာရေးအစီအစဉ်များနှင့် အရေးပေါ်အစီအစဉ်များအတွက် နိုင်ငံ ၁၂၀ ခန့်တွင် လူသားချင်းစာနာမှုဆိုင်ရာအကူအညီများကို ဖြန့်ဝေပေးနေကြောင်း သိရသည်။

 

USAID ကို အစွန်းရောက်သော အရူးများက လည်ပတ်နေခြင်းဖြစ်ကြောင်း ထရန့်က ပြောကြားခဲ့ဖူးပြီး အီလွန်မက်စ်ကလည်း USAID သည် အပိုင်းပိုင်းဖြတ်ထုတ်ပစ်ရရန် လိုအပ်သည့် ရာဇဝတ်အဖွဲ့အစည်းတစ်ခုအဖြစ် ဖော်ပြခဲ့သည်။